Noloshu waa Imtixaan
Waxaad soo martay maalmo wanaagsan, laakiin waxaad kaloo soo aragtay kuwa xun,
Ma heysatid wax kasta aad rabtay laakiin waxaad heysataa wax kasta aad u baahneyd,
Waxaad seexatay adigoo xanuun ku hayo hadana waxaad ka toostay hurdadi adigoo fiican,
Waxaa jira dad ku bogaadinaya oo kuu sacab tumaya laakiin waxaa kaloo jira kuwa gadaashaada ka hadla oo xumaantaada ka shaqeeya,
Waxaad ku dhowaatay in aad Nolosha ka quusato laakiin rejo ayaa ku gashay,
Waqtiyo badan Qosol ayaad is qaban weyday, laakiin waqtiyo kale uurka ayaad ka ooynaysay, indhahana ilmo kaa qubanaysay,
Waxaa jiray maalmo wacan oo aad dareentay Jaceyl saa’id ah laakiin waxaa kuugu xigay maalmo naceyb kaa buuxsamay
Waad kuftay oo guuldareysatay wax badan laakiin hadana sare ayaad u kacday oo guuleysatay
Waxaa ku hayay Caajis laakiin hadana waxaad heysatay caafimaad
Dhamaan waxaani waxay u dhacayaan sababtoo ah waad Nooshahay, Noloshuna waa Imtixaan!
Laga yaabee in Noloshaadu u socon sidi aad u qorsheysatay Laakiin Qorshaha Alle ayaa ugu wanaagsan
Laga yaabee in Noloshaadu Barwaaqaysnayn laakiin way Barakaysan tahay,
Ku Xamdi-naq Alle SWT sababtoo ah waxaad intaa ku soo gaartay Fadliga iyo Naxariista Eebe.
Dheh Alxamdulilaah
Share - la wadaag saaxiibadaa
Maajid Guulwade Beeldaaje
